Uthe hain do janaze aye azadaro andhere main || Anjuman jafaria rajisterd mustafabad jalalpur ||

Hain jaise dono tafseeren masayeb kay saheefe ki 

hai ik karbobala ki dusri Zahra sa madine ki 

Madine main jala hai Fatima Zahra (sa) ka darwaza 

Sakina (sa) ka yahan sham e ghareeba'n main jala kurta 

laga Zahra (sa) kay hathon peh sitamgar ka wahan durra 

yahan rukh peh Sakina (sa) kay tamancha shimr e zalim ka 

uthe hain do janaz e aye azadaro andhere main 

Sakina (sa) ka utha zindan main Zahra (sa) ka madine main

wahan rassi main Zahra (sa) ne Ali (as) ka ik gala dekha 

Sakina (sa) gala tha shimr ne rassi main youn bandha 

bahut mushkil Sakina (sa) kay liye tha sans ka lena 

gale peh rakh liya karti thi apne hath ko dukhiya 

uthe hain do janaz e aye azadaro andhere main 

Sakina (sa) ka utha zindan main Zahra (sa) ka madine main

gira Zahra (sa) kay pahlu par wahan jalta jo darwaza 

daro deewar kay maabain pis kar rah gai Zahra (sa) 

Sakina (sa) ko yahan naqe ki nangi pusht par bandha 

ragad se pusht naqa ki bahut chalni hui seena 

uthe hain do janaz e aye azadaro andhere main 

Sakina (sa) ka utha zindan main Zahra (sa) ka madine main

wahan kuch is tarah se pasliyan tooti hain Zahra (sa) ki 

ba waqt gusl maula ki sada thi cheekh kar nikli 

yahan pusht e Sakina (sa) ho gai thi is qadar zakhmi 

ki jis dam zakhm dekhe hain to gassala tadap uththi 

uthe hain do janaz e aye azadaro andhere main 

Sakina (sa) ka utha zindan main Zahra (sa) ka madine main

padha bint e Nabi ne marsiya subbat alaiyya ka (ًصبت علي)

Sakina (sa) yahan aina abi ka hai padha nauha ( اينا ابي)

wahan baba ki turbat kay qaree'n ja baithti Zahra (sa)

yahan sunsan jangal aur tha maqtal ka sannata 

uthe hain do janaz e aye azadaro andhere main 

Sakina (sa) ka utha zindan main Zahra (sa) ka madine main

shahadat dekhi hai Zahra (sa) ne apne lal mohsin ki 

na mil pai hai jis ko zindagi duniya main ik din bhi 

Sakina (sa) ne hai dekhi lash e Asghar (as) teer se zakhmi 

abhi jo ghutniyon bhi chal na paya tha ki maut aai

uthe hain do janaz e aye azadaro andhere main 

Sakina (sa) ka utha zindan main Zahra (sa) ka madine main

gain darbar main Zahra (sa) bhi aur nanhi Sakina (sa) bhi 

hui darbar main Zahra (sa) ko unke haq se mahroomi 

kaneezi kay liye darbar main mangi gai bachchi 

jise sun kar tadap kay rah gaye thay sub kay sub qaidi 

uthe hain do janaz e aye azadaro andhere main 

Sakina (sa) ka utha zindan main Zahra (sa) ka madine main

masayeb hain pade Zahra (sa) peh itne baad e paighambar 

75 din bhi masooma ka jeena ho gaya doobhar 

sitam itne huway hain baad e shah nanhi Sakina (sa) par 

ki thode he dino main mar gai woh qait kay andar 

uthe hain do janaz e aye azadaro andhere main 

Sakina (sa) ka utha zindan main Zahra (sa) ka madine main

bahut he apni dadi ki tarah se dukh uthaye hain 

pidar se chut kay bachchi ne kahan aaram paye hain 

agar aansu yateema ki kabhi aankhon main aaye hain

tamanche shimr kay bachchi ne nanhe rukh peh khaye hain 

uthe hain do janaz e aye azadaro andhere main 

Sakina (sa) ka utha zindan main Zahra (sa) ka madine main

fida ho jayen auladen Sakina (sa) ki yateemi par 

masayeb peh masayeb hain pade Zahra (sa) ki pooti par

laga rone peh tha pahra shah e wala ki beti par 

bahut he pyas ki shiddat thi Ghazi (as) ki bhateeji par 

uthe hain do janaz e aye azadaro andhere main 

Sakina (sa) ka utha zindan main Zahra (sa) ka madine main

ZAFAR tareekh ne ab tak na aisi bibiyan dekhin 

madine main kabhi Zahra (sa) ki tooti pasliyan dekhin 

Sakina (sa) kay gale main sham tak hai rassiyan dekhin 

gale main rassiyan aur pusht par hai seliyan dekhin 

uthe hain do janaz e aye azadaro andhere main 

Sakina (sa) ka utha zindan main Zahra (sa) ka madine main

............Zeya Abbas (Haideri)............

YouTube Search On Zeya Jalalpuri