Ro Kay Kahti Thi Sakina (sa) Mere Baba Se Mila De

                          Noha
Mere Baba Mere Baba x3

Ro kay Kahti Thi Sakina (sa) Mere Baba Se Mila De 
Ya Elahi Meri Bigdi Hui Taqdeer Bana De 
Mere Baba Se Mila De

Bhai Yaqoob Se Yousuf Ko Milane Wale 
Kashtiye Nooh Ko Tufa'n Se Bachane Wale 
Dariya e Neel Main Bhi Raah Banane Wale 
Shab e Meraj Payamber Ko Bulane Wale 
Ya Elahi Meri Bigdi Hui Taqdeer Bana De 
Mere Baba Se Mila De x2
Ro kay Kahti Thi Sakina (sa) Mere Baba Se Mila De 

Jo Huway Zulm O Sitam Rukh Peh Mere Taari Hai
Mere Rukhsar Se Taza Yeh Lahu Jari Hai 
Shimr Ka Hum Peh Sitam Karne Ki Tayyari Hai
Shimr Kahta Hai Ki Sajjad (as) Ki Ab Bari Hai 
Ya Elahi Meri Bigdi Hui Taqdeer Bana De 
Mere Baba Se Mila De x2
Ro kay Kahti Thi Sakina (sa) Mere Baba Se Mila De 

Pyas Kay Dard Se Yeh Qalbo Jigar Phatta Hai 
Dil Se Ab Bali Sakina (sa) kay Dhuwa'n Uthta Hai 
Be Khata Hum Peh Laeen Aa Kay Sitam Karta Hai 
Hum Jo Rote Hain To Rone Peh Laee'n Hasta Hai 
Ya Elahi Meri Bigdi Hui Taqdeer Bana De 
Mere Baba Se Mila De x2
Ro kay Kahti Thi Sakina (sa) Mere Baba Se Mila De 

Be Kahta Haye  laeeno Ne Sitam Hum Peh Kiye 
Haye Yeh Kaisa Sitam 1 Rasan 12 Gale 
Zulm Ik Aur Hua Sar Se Rida Cheen Liye 
Aur Haste Hain Tamashai Meri Ghurbat Peh 
Ya Elahi Meri Bigdi Hui Taqdeer Bana De 
Mere Baba Se Mila De x2
Ro kay Kahti Thi Sakina (sa) Mere Baba Se Mila De 

Thi Isi Shahr Ki Ik Roz Kabhi Shahzadi 
Aaj Taqdeer Se Zinda'n Main Bani Hun Qaidi 
Jaise Pinjare Main Koi Qaid Hua Ho Panchi
Waise Zindan Main Han Qaid Hui hun Main Bhi
Ya Elahi Meri Bigdi Hui Taqdeer Bana De 
Mere Baba Se Mila De x2
Ro kay Kahti Thi Sakina (sa) Mere Baba Se Mila De 

Hai Ajab Haal Mera Zulm Ko Ehsas Nahi 
Sub Paraye Hain Yahan Apna Koi Pass Nahi 
Qaid Se Ho kay Riha Jaungi Ab Aas Nahi 
Jis Peh Tha Sub Ko Bharosa Wahi Abbas (as) Nahi 
Ya Elahi Meri Bigdi Hui Taqdeer Bana De 
Mere Baba Se Mila De x2
Ro kay Kahti Thi Sakina (sa) Mere Baba Se Mila De 

Gar Main Baba Na Chacha Bhai Se Mil Paungi 
Jo Huway Mujh Peh Sitam Kisse Main Batlaungi 
Apne Baba Ki Main Furqat Main He Mar Jaungi 
Khali Jhoole Se He Dil Kaise Main Bahlaungi 
Ya Elahi Meri Bigdi Hui Taqdeer Bana De 
Mere Baba Se Mila De x2
Ro kay Kahti Thi Sakina (sa) Mere Baba Se Mila De 

Haye Humshakl e Payamber Mera Akbar (as) Na Raha 
Hasliyo'n Wala Mera Nanha Sa Asghar (as) Na Raha 
Haye Woh Bhai Mera Qasim e Muztar Na Raha 
Koi Imdad Ko Ab Monis o Yawar Na Raha 
Ya Elahi Meri Bigdi Hui Taqdeer Bana De 
Mere Baba Se Mila De x2
Ro kay Kahti Thi Sakina (sa) Mere Baba Se Mila De 

Haye ALAM Jo Sakina Yeh Dua Karti Thi 
Aasma'n Rota Tha Zinda'n Ki Zamee'n Hilti Thi 
Apne Baba Ki Judai Main Woh Jaa'n khoti Thi 
Kar Kay AAMIR Yeh Dua Bachchi Bahut Roti Thi 
Ya Elahi Meri Bigdi Hui Taqdeer Bana De 
Mere Baba Se Mila De x2
Ro kay Kahti Thi Sakina (sa) Mere Baba Se Mila De 

............Zeya Abbas (Haideri)............
Youtube Search On Zeya jalalpuri