Salam Imam Ali (as) | Kufa Ujad Gaya |

                  Salam

Haye wa museebata kufa ujad gaya

Zakhmi huway Ali (as) hai shor ja baja

Haye wa museebata kufa ujad gaya

Zahra (sa) kay ghar main kaisi qayamat guzar gai

Zainab (sa) ne jab suna to woh ghash kha kay gir gai

Baba kay gham se ho gaye be haal Mujtaba (as)

Haye wa museebata fufa ujad gaya

Roze main rozedaar ko mara namaz main

Jibreeal (as) dekh kar yeh pukara namaz main

Kabe ka kaba dha diya kaisa sitam kiya

Haye wa museebata fufa ujad gaya

Jarrah sar ko peet kay bola yeh bar mala

Sar se lahu Imam (as) kay rukta nahi bhala

Muljim peh beshumar ki jisne hai ki jafa

Haye wa museebata fufa ujad gaya

Kaise sabhale dekhiye Shabbeer (as) ko Hasan (as)

Kaise sabhale dekhiye humsheer ko Hasan (as)

Ya rab Ali (as) ka lal Hasan (as) kya kare bhala

Haye wa museebata fufa ujad gaya

Abbas e (as) ba wafa ko qarar aaye kis tarah

Haye lahed main roti hain is gham main Fatima (sa)

Baba Hasan (as) Hussain (as) ka duniya se chal basa  

Haye wa museebata fufa ujad gaya

Taboot mere maula ka aayega jis ghadi

Hon gay Hasan (as) Hussain (as) bhi taboot kay qaree’n

Sub mil kay pursa daro do pursa imam (as) ka

Haye wa museebata fufa ujad gaya

Dekho ki arsh farsh e aza hai yeh sogwaar

Momin kay dil ko kaise bhala aayega qarar

Balo’n ko khole aai hain majlis main Fatima (sa)

Haye wa museebata fufa ujad gaya

ISHRAT ko izan dijiye aaye ki yeh najaf

Ho khush naseebi sath main paye Zeya sharaf

Ki baar baar hum ko zeyarat ho yeh ata

Haye wa museebata fufa ujad gaya

Poet: Janab Syed Ishrat Hasan Bilgrami

............Zeya Abbas (Haideri)............
YouTube Search On Zeya Jalalpuri 

                    India