Noha Imam Ali (as) | Shab chaak gareban saher girya kuna hai |

                           Noha

Shab chaak gareban saher girya kuna hai

Makhlooq e khuda maile faryaad o fugha’n hai

Ma bain zamee'n aasma'n mashahar ka sama'n hai

19wi ramdan ka yeh haal bayan hai

Tareekh yeh woh hai jo qayamat se nahi kam

Aye momino sar peeto karo girya o matam 

Farigh jo tahajjud se huway fatahe khaibar

Aur sahen main aaye junhi hujre se nikal kar  

Bas qazd kiya he tha abhi jane ka bahar

Hota ki ada fajr ka woh farz e muqarrar

Murgabiyon ne ghair liya haq kay wali ko

Darwaze se jane nahi deti thin Ali (as) ko

Goya huwya murghabiyon se Haider e (as) karrar

Is uns ki de tum ko jaza khaliq e ghaffar

Nale na karo sabr karo aye meri gham khar

Jo waqt moayyan hai woh talta nahi zin haal

Daman ko mere chod do youn ashk na barsao

Masjid main mujhe jane do darwaze se hat jao

Pahunche jo hin masjid main Ali (as) dekha yeh manzar

Undha pada sota hai laeen aik zameen par

Jab uske qareeb pahunche to goya huway Haider (as)

Uth pairaway ibrees shaqi aur sitam gar

Maloom hai sub kis liye tu aaya hai kufa

Kis kaam kay karne ka yahan par hai irada

Yeh kah kay azaa'n dene lage khalq kay maula

Mahraab e ibadat main huway zaib e musalla

Masroof huway taak main apne shah e wala

Thi fajr ki pahli he rakaat pahla woh sajda

Talwar raqab se bin e muljim ne lagai

Do para kiya sar ko jabeen tak utar aai

Sar peet kay kahte thay namazi ki aye jallad

Kya kar diya yeh khane e haq main  sitam eajaad

Ki haq kay wali par yeh bhala kis liye be daad  

Faryad hai faryad hai faryad hai faryad

Is shor o foghan ko suna hasnain (as) ne jis dam

Masjid ko chale ghar se woh karte huway matam  

Hasnain (as) ne aalooda ba khoo'n baap ko paya  

Woh bain kiye jis se ki munh ko jigar aaya

Phir aik chatai peh gharaz un ko letaya

Gham kharon ne zakhmi shah e safdar ko uthaya

Ghar laye mubada kahin halat na bidag jaye

Sar khole huway  Saniye Zahra (sa) na nikal aaye

Dakhil huway jab ghar main pisar baap ko le kar  

Wa'n nalao shewan se ba pa ho gaya mahshar

Thame huwya thi beti koi paon koi sar

Aahista se hujre main letaya unhe ja kar

Tha wird zaba'n wa Ali ya aaho boka main

Awaaz yahi goojti thi arz o sama’n main

Shabe chaak gareban saher girya kuna hai

............Zeya Abbas (Haideri)............
YouTube Search On Zeya Jalalpuri 

                     India