Salam BiBi Sakina (sa) || Rose Turbat Peh Meri Shamma Jalana Amma'n || Lyrics

                           Salam

Kaun Zinda'n Main Sune Yeh Mere Nale Amma'n
Kar Diya Mujh Ko Andhero'n kay Hawale Amma'n
Aik Muddat Se Nahi Dekhe Ujale Amma'n 
Mujh Ko Zinda'n Kay Andhero'n Se Bachana Amma'n 
Rose Turbat Peh Meri Shamma Jalana Amma'n 

Apne He Zakhmo'n Ki Main Taab Na La Paungi 
Mujh Ko Lagta Hai Main Kuch Rose Main Mar Jaungi 
Amma'n Main Laut kay Kya Apne Watan Jaungi 
Meri Halat Meri Sughra (sa) Ko Batana Amma'n 
Rose Turbat Peh Meri Shamma Jalana Amma'n 

Jab Bhi Main Royi Mujhe Marta Tha Shimr e Laee'n 
Need Is Dar Se Mujhe Qaid Main Aati He Na Thi
Phir Meri Qabr Peh Woh Shimr Na Aajaye Kahin
Mujh Ko Tanha Na Yahan Chod Kay Jana Amma'n 
Rose Turbat Peh Meri Shamma Jalana Amma'n 

Ho Gaya Mujh Ko Yaqee'n Main Na Kabhi Jaungi Ghar 
Dafn Ho Jaungi Is Qaid e Jafa Main Mar Kar 
Ik Waseeyat Hai Meri Puri Karogi Mather 
Fateha Kay Liye Baba Ko Bulana Amma'n 
Rose Turbat Peh Meri Shamma Jalana Amma'n 

Pyas Ki Aakhri Manzil Hai Yeh Hai Waqt Kada 
Jism Ka Pani Mera Sookh Gaya Hai Sara 
Ab To Haddi Se Mera Gosht Juda Hone Laga 
Mera Yeh Haal Chacha Jaa'n Ko Sunana Amma'n 
Rose Turbat Peh Meri Shamma Jalana Amma'n 

Ghusl Jab Dene Lago Mujh Ko To Ho Dheyan Zara 
Zakhm Taza Hai Abhi Khoo'n Bahut Mera Baha
Jism Kay Zakhm Se Chipka Hai Yeh Kurta Mera 
Jism Se Kurte Ko Aahista Chudana Amma'n 
Rose Turbat Peh Meri Shamma Jalana Amma'n 

Kaisi Purdard Waseeyat Yeh Baya'n Ho Kaise 
Bain Yeh MAZHAR O FARHAN Sakina (sa) Ne Kiye 
Zalimo'n Se Na Kafan Lena Sakina (sa) Kay Liye 
Mujh Ko Kurte Main He Marqad Main Solana Amma'n
Rose Turbat Peh Meri Shamma Jalana Amma'n 

............Zeya Abbas (Haideri)............
YouTube Search On Zeya Jalalpuri
                  India