Jab watan apne luta qafela lai Zainab (sa) || Lyrics ||

                    Salam

Jab watan apne luta qafela lai Zainab (sa)

Kitni aazurda o bekas nazar aai Zainab (sa)

Haal dekha jo watan walo'n ne badh kar pucha

Kin sitamgaro’n ne halat yeh banai Zainab (sa)

Tere hamrah gaye thay woh kahan hain sare

Kya hua woh tera Shabbeer (as) sa bhai Zainab (sa)

Kya bataun jo bayaba’n main qayamat tooti

Daagh ghar bhar ka liye dil peh aai Zainab (sa)

Lut gaya samne aankho’n kay bhara ghar sara

Dekh lo waqt ki kaisi hai satai Zainab (sa)

Ghar Mohammad ka tha loota jo musalmano ne

Rukh peh saughaat tamancho’n ki hai lai Zainab (sa)

Zulm per zulm huway hum peh watan walo’n magar

Koi shikwa na labo’n peh kabhi lai Zainab (sa)

Chal gaya halq peh bhai kay laee’n ka khanjar

Ro kay deti rahi zalim ko duhai Zainab (sa)

Sar peh chadar bhi na thi jis ka kafan de deti

Bekafan lash waha’n chod kay aai Zainab (sa)

Sun kay yeh seif dee’n maula se tere gham ka baya’n

Momino ne safe matam hai bichai Zainab (sa)

Tere HAMID  peh bhi ik nazr e karam ho jaye

Sub ghamo’n se use mil jaye rehai Zainab (sa)

Poet: Janab Hamid Sahab

............Zeya Abbas (Haideri)............

YouTube Search On Zeya Jalalpuri 

               India