Alwedai Nauha 8 Rabeeul Awwal ll Shah ka ahle aza hota hai matam tamam

                     (Nauha)

Aaj aza khane se hota hai rukhsat imam

Sayyada (sa) ne pala tha chakki jise pees kar

Aaj usi lal ka hota hai matam tamam

Haye ghazab be khata tan se kiya sar juda

Rone na paye haram kah kay mere tashna kaam

Arsh peh roohul amee’n kahte thay sar peet kar

Sayyada (sa) kay lal ka hota hai matam tamam

Baqi hai jab tak yeh dam kam na kabhi hoga gham

Ashk bahaye’n gay hum le le kay pyaso’n ka gham

Saal bhar kay baad phir howay ga yeh gham naseeb

Maut agar aagai khuld main hoga maqaam

Aakhri hai yeh alam aakhri taboot hai

Raunaq e gham hai tamam chutta hai be kas imam

Baad shahe karbala bain yeh Zainab (sa) ka tha

Bachche tadapte rahe paya na aab o taaam

Nala o shewan karo nusrate Shabbeer (as) main

Fatima (sa) ko pursa do hota hai matam tamam

Kijiye maula qabool aakhri hadya mera

Karte hain ahle aza nazr yeh ashko’n kay jaam

KAUSAR e maghmoom ki aakhri hai ilteja

Nauha ko tu khatam kar padh kay durood o salam

Nauha By Anjuman Zafrul Iman Usmapur Jalalpur  A.N

............Zeya Abbas Haideri............

YouTube Search On Zeya Jalalpuri 

                   India