Aye Ali o (as) Fatima (sa) ki goad kay palo utho ll Anjuman Jafaria Redg,Mustafabad Nagpur Jalalpur Ambedkar Nagar UP India

                     (Nauha)

Muntashir ho kar fiza main dard kay nalo utho

Aye zaban e khushk se lipte huway chalo utho

Raushni quran ki eamaan kay halo utho

Roze chehlum aagaya wahdat kay matwalo utho

Aye Ali o (as) Fatima (sa) ki goad kay palo utho

Ayi hai Zainab (sa) utho aye karbala walo utho

Qafela aaya hai lut kar pasba’n koi nahi

Maut saya kar chuki hai hum zaba’n koi nahi

Sub zaeefo na tawa’n hain naujawa’n koi nahi

Khak khaimo ki batati hai yaha’n koi nahi

Aye Ali o (as) Fatima (sa) ki goad kay palo utho

Ayi hai Zainab (sa) utho aye karbala walo utho

Chayi hai mayoosiya’n bhi har dil e muztar kay pass

Sooke aansu ab kaha’n baqi hai chashm e tar kay pass

Kab se hai khamosh laila turbat e Akbar (as) kay pass

Maa’n ka dil bhi dafn hai qabr e Ali Asghar (as) kay pass

Aye Ali o (as) Fatima (sa) ki goad kay palo utho

Ayi hai Zainab (sa) utho aye karbala walo utho

Aane wale de chuke hain har qadam par imteha’n

Sar zameen e sham main choda hai qismat ka nisha’n

Saal bhar tak qaid khane  main uthayi’n sakhtiya’n

Qabr main Asghar (as) yaha’n hai aur Sakina (sa) hai waha’n

Aye Ali o (as) Fatima (sa) ki goad kay palo utho

Ayi hai Zainab (sa) utho aye karbala walo utho

Bhool sakte he nahi qaid e sitam ki sakhtiya’n

Kaun dharas deti hain Sajjad (as) ab tak natawa’n

Neel kay ubhre huway kal tak jaha’n thi resma’n

Layi hai saughat main Kulsoom (sa) bazu kay nisha’n

Aye Ali o (as) Fatima (sa) ki goad kay palo utho

Ayi hai Zainab (sa) utho aye karbala walo utho

Ujda jangal bas gaya bigde madina bhi nahi

Khoon kay toofan main ujda safeena bhi nahi

Aao aye Abbas (as) milne ka qareena bhi nahi

Mashk di thi jis ne tum ko woh Sakina (sa) bhi nahi

Aye Ali o (as) Fatima (sa) ki goad kay palo utho

Ayi hai Zainab (sa) utho aye karbala walo utho

Maut aayi qaid khane main jafa ki goad main

Kahti thi ammu mere hain karbala ki goad main

Mil gaya hoga sukoon e dil wafa ki goad main

Jab bhateeji aa gayi hogi chacha ki goad main

Aye Ali o (as) Fatima (sa) ki goad kay palo utho

Ayi hai Zainab (sa) utho aye karbala walo utho

Khoon dil ka pesh kar do chashm e pur num kay liye

Qafela muddat kay baad aaya hai matam kay liye

Qabr se aayi sada Shabbeer (as) kay gham kay liye

Jao jabir be kaso’n kay khair maqdam kay liye

Aye Ali o (as) Fatima (sa) ki goad kay palo utho

Ayi hai Zainab (sa) utho aye karbala walo utho

Qismate’n barbadiyo’n main aazmayi jaye gi

Bargah e bahte ashko’n se lagayi jaye gi

Hai 72 turbate’n dil se lagayi jaye gi

Kis ki kis ki qabr peh shamma jalayi jayegi

Aye Ali o (as) Fatima (sa) ki goad kay palo utho

Ayi hai Zainab (sa) utho aye karbala walo utho

Kaun roke ga ab ashko’n ki rawani aye Hussain (as)

Dil ko tadpaye gi Akbar (as) ki jawani aye Hussain (as)

Aankho’n main phir jayegi tashna dahani aye Hussain (as)

Samne Zainab (sa) kay jab aaye ga pani aye Hussain (sa)

Aye Ali o (as) Fatima (sa) ki goad kay palo utho

Ayi hai Zainab (sa) utho aye karbala walo utho

Majmaye qalbo jigar tadpane wala aye Hussain (as)

Gham ka badal phir fiza main chane wala aye Hussain (as)

Phir wahi waqt e judai aane wala aye Hussain (as)

Qafela simt e madina jane wala aye Hussain (as)

Aye Ali o (as) Fatima (sa) ki goad kay palo utho

Ayi hai Zainab (sa) utho aye karbala walo utho

Kya gila hoga mohabbat se khuda hafiz Hussain (as)

Shikwa hai Abid (as) ko qismat se khuda hafiz Hussain (as)

Toota dil Zainab (sa) ki halat se khuda hafiz Hussain (as)

Qafela jata hai turabt se khuda hafiz Hussain (as)

Aye Ali o (as) Fatima (sa) ki goad kay palo utho

Ayi hai Zainab (sa) utho aye karbala walo utho

Be kasi ki raah main koi tamanna bhi nahi

Naujawani bhi nahi Qasim (as) ka sehra bhi nahi

Jis main soye thay Ali Akbar (as) woh khaima bhi nahi

Le kay kya jaye watan Asghar (as) ka jhula bhi nahi

Aye Ali o (as) Fatima (sa) ki goad kay palo utho

Ayi hai Zainab (sa) utho aye karbala walo utho

Be khabar soye huway tashna dahano Al-wida

Barchiya’n khaye huway aye naujawano Al-wida

Hai zameen e karbala kay mehmano Al-wida

Qatl kay aansu TASDDUQ kay nishano Al-wida

Aye Ali o (as) Fatima (sa) ki goad kay palo utho

Ayi hai Zainab (sa) utho aye karbala walo utho

Poet: Late TASADDUQ Sahab 

Nauha By Anjuman Jafaria Redg,Mustafabad Nagpur Jalalpur Ambedkar Nagar UP India 

............Zeya Abbas Haideri............
YouTube Search On Zeya Jalalpuri 
                     India