Alwedai Nauha ll Alwida mere maula – alwida mere aaqa

                     (Nauha)

Alwida mere maula – alwida mere aaqa

Khatm hain aza kay din – alwida shah e wala

Dil ki kaifiyat kya hai – kis tarah bataye’n hum

Zakhm teri  furqat kay – kis tarah dekhaye’n hum

Jis ka khauf tha hum ko – aagaya wahi lamha

Alwida mere maula – alwida mere aaqa

Sune sune lagte hain – aaj sub aza khane

Kaise hum sambhale’n gay – apna dil khuda jane

Khud peh bus nahi dil par – akhtiyar kya hoga

Alwida mere maula – alwida mere aaqa

Farsh e matam e sarwar – ab gharo’n se uththe’n gay

Kis tarah se yeh manzar – sogwar dekhe’n gay

Kis tarah nibhaye’n gay – farz mezbani ka

Alwida mere maula – alwida mere aaqa

Majliso’n ki aawaze’n – aur sadaye’n matam ki

Aankhe’n raah dekhe’n gi – saal bhar moharram ki

Jab bichega farsh e gham – aur aaye’n gi Zahra (sa)

Alwida mere maula – alwida mere aaqa

Taziye kaha’n ho’n gay – aur kaha’n alam hoga

Saal bhar nigaho’n se – ik chalakta gham hoga

Kis tarah sambhale’n gay – sogwar dil apna

Alwida mere maula – alwida mere aaqa

Aap ki judai main – sare sogwaro’n ka

Aap kay bina aaqa – aap kay ghulamo’n ka

Koi pal nahi kat ta – dil kahin nahi lagta

Alwida mere maula – alwida mere aaqa

Aap ko sada de’n gay – aap ko pukare’n gay

Aap ki judai main – kaise din guzare’n gay

Aap kay siwa aaqa – kaun hai ghulamo’n ka

Alwida mere maula – alwida mere aaqa

Phir juloos ka jin par – hai maloom woh raste

Ab nazar na aaye’n gay – haye matmi daste

Haye kitni taizi se – mausam e aza guzra

Alwida mere maula – alwida mere aaqa

Umr bhar kare’n majlis – umr bhar kare’n matam

Phir bhi haq ada tera – kar nahi sake’n gay hum

Apne is ghulamo’n ko – bus muaaf kar dena

Alwida mere maula – alwida mere aaqa

Haq ki mezbani main – aap ki zeyafat main

Aap ki ijazat se – aap he ki khidmat main

KHADIM O FASEEL apna – pesh karte hain nauha

Alwida mere maula – alwida mere aaqa

…………Zeya Abbas Haideri…………

YouTube Search On Zeya Jalalpuri

                        India