Farmayen gi Imam e Zamana (as) se Fatima (sa) ll Anjuman Jafaria Redg.Mustafabad Nagpur Jalalpuri Ambedkar Nagar UP India

                   (Nauha)

Farmaye’n gi Imam e Zamana (as) se Fatima (sa)

In zalimo’n se itna zara puch mere lal

Kyo’n karbala main zulm ki had par kardiya

In zalimo’n se itna zara puch mere lal

Asghar (as) ki qabr khod kay sar kyon qalam kiya

In zalimo’n se itna zara puch mere lal

Ik hath se sambhale huway tooti pasliya’n

Famaye’n gi Imam e Zamana (as) se shah ki maa’n

Karbobala main thi mere Asghar (as) ki kya khata

In zalimo’n se itna zara puch mere lal

Phir Sayyada (sa) tadap kay kahe’n gi aye mere lal

In zalimo’n se pahle faqat kar yahi sawal

Mere chaman ko is tarah barbad kyon kiya

In zalimo’n se itna zara puch mere lal

Apni eba main lasha e Mohsin (as) liye huway

Farmaye’n gi khadeeja bhi maula se aan kay

Beti peh meri aisa sitam kyo’n kiya gaya

In zalimo’n se itna zara puch mere lal

Farwa ka lal Qasim e (as) naushah jis ghadi

Ghode se run main aaya zamee’n par woh mah jabee’n

Kyo’n zindagi main dulhe ko pamaal kar diya

In zalimo’n se itna zara puch mere lal

13 baras kay sin main you’n pamaal kar diya

Qasim (as) ka jism nazni tukdo’n main but gaya

Apni eba main shah ne kaise jama kiya

In zalimo’n se itna zara puch mere lal

1300 ghode Qasim e (as) naushah kay jism par

Aye lal ho rahe thay idhar se udhar idhar

Kaise tadap raha tha woh farwa ka ladla

In zalimo’n se itna zara puch mere lal

You’n karbala main pyasa tha bano ka ladla

Munh kholta tha band woh karta tha ba raha

Is haal main bhi pani use kyo’n nahi diya

In zalimo’n se itna zara puch mere lal

Kis be kasi se lasha e Akbar (as) ko noor e ayin

Laya hai qatl gaah se khaime talak Hussain (as)

Us waqt mere lal ka gham khar kaun tha

In zalimo’n se itna zara puch mere lal

18 saal ka Ali Akbar (as) sa naujawa’n

Kha kay sina ragadta tha maqtal main aidiya’n

Kis darja naujawan ko us waqt dard tha

In zalimo’n se itna zara puch mere lal

Girya karengi kah kay khadeeja aye ladlay

Aankho’n se apni lasha e Mohsin (as) ko dekh le

Kyo’n is ko qatl maa’n kay shikam main kiya gaya

In zalimo’n se itna zara puch mere lal

Aye mere lal in se zara yeh bhi puch le

Ummul Banee’n kay lal kay jab hath cut gaye

Ghode se woh zameen peh kis tarah se gira

In zalimo’n se itna zara puch mere lal

Paiwast itne teer thay jism e Hussain (as) par

Ghode se gir kay aana nahi woh zameen par

Mera Hussain (as) teero’n peh kaise ruka raha

In zalimo’n se itna zara puch mere lal

Zainab (sa) ne dekha kaise qayamat ka woh sama’n

Thi kanpti zameen larazta tha aasa’n

Seene peh kaise shimr e sitam gar sawar tha

In zalimo’n se itna zara puch mere lal

Munh peh tamanche maar kay ZAHID yeh phir kaha

Karbobala main ghar mera barbad ho gaya

Mere pisar ka sookha gala kis tarah cuta

In zalimo’n se itna zara puch mere lal

Poet: Janab ZAHID Mustafabad Jalalpur A.N

Nauha By Anjuman Jafaria Redg. Mustafabad Jalalpur A.N

https://www.youtube.com/watch?v=lCU00KmeIHk

………..Zeya Abbas Haideri…………

YouTube Search On Zeya Jalalpuri

                       India