Nauha BiBi Sakina (sa) ll Mujhe jale huway kurte main dafn kar dena

            (Nauha)

Yeh boli qaid main Abid (as) ne shah ki dukhiya

Mujhe jale huway kurte main dafn kar dena

Kafan jo laye sitamgar us se mat lena

Mujhe jale huway kurte main dafn kar dena

Sakina (as) qaid main har dam udas rahti thi

Tadap kay Abid e (as) beemar se yeh kahti thi

Paraye desh main mera naseeb you’n phoota

Mujhe jale huway kurte main dafn kar dena

Bahen hu Akbar o Asghar (as) ki shah ki beti hun

Sakina (sa) naam hai Abbas (as) ki bhateeji hun

Nahi karungi main khatoon e khuld se shikwa

Mujhe jale huway kurte main dafn kar dena

Jigar ko tham kay ghassala khud bhi roye gi

Badan se jis ghadi kurta mera utaregi

Na chut sake ga badan se yeh pairahan mera

Mujhe jale huway kurte main dafn kar dena

Mera janaza uthane main dukh uthao gay

Qadam qadam peh naqahat se lad khadao gay

Mujhe brother e maghmoom maaf kar dena

Mujhe jale huway kurte main dafn kar dena

Agar cheh tum se janaza na uth sake mera

Najaf ki simt ko rukh kar kay aye mere bhaiyya

Madad kay waste dada ko bhi bula lena

Mujhe jale huway kurte main dafn kar dena

Sakina (sa) sham kay zinda’n main mar gai MEHDI

Rula rahi hai zamane ko be kasi uski

Labo’n peh uske magar haye tha yahi fiqra

Mujhe jale huway kurte main dafn kar dena

Poet: SAYYED MEHDI Mustafabad Jalalpur A.N

Nauha by Anjuman Jafaria Redg. Mustafabad Jalalpur A.N

…………Zeya Abbas Haideri…………

YouTube Search On Zeya Jalalpuri

               India