Sada madine main di jab basheer ne ro kar

                 (Nauha)

Sada madine main di jab basheer ne ro kar

Hussain (as) qatl huway aagaye haram lut kar

Kaha yeh Hazrat e Ummul Baneen ne sun kar

Mere Hussain (as) kay humrah mera Ghazi tha

Main kaise maan lu’n mera Hussain (as) qatl hua

Mere Hussain (as) kay………………………

Basheer rok le apni zaba’n mat kahna

Hussain ibn e Ali (as) karbala main qatl hua

Mere Hussain (as) kay humrah mera Ghazi tha

Aye bibi apni zaba’n se kaho na yeh jumla

Main kaise maan lu’n mera Hussain (as) qatl hua

Mere Hussain (as) kay………………………

Tadap kay kahne laga main ghalat nahi kahta

Rula rula kay laeeno ne unko qatl kiya

Zameen garm peh urya’n pada raha lasha

Aye bibi apni zaba’n se kaho na yeh jumla

Main kaise maan lu’n mera Hussain (as) qatl hua

Mere Hussain (as) kay………………………

Lagi thi hatho’n main jiske beyah ki mehendi

Kiya laeeno ne you’n payemal aye bibi

Hasan (as) kay lal ki mayyat nahi salamat thi

Aye bibi apni zaba’n se kaho na yeh jumla

Main kaise maan lu’n mera Hussain (as) qatl hua

Mere Hussain (as) kay………………………

Hussain (as) par woh ajab waqt tha qayamat ka

Utha rahe thay jo kadyal jawan ka lasha

Madad kay waste un ki koi na zinda tha

Aye bibi apni zaba’n se kaho na yeh jumla

Main kaise maan lu’n mera Hussain (as) qatl hua

Mere Hussain (as) kay………………………

Shaheed ho gaya jab run main Fatima (sa) ka pisar

Jalaya khaimo’n ko aada ne cheen li chadar

Bana kay qaidi haram ko phiraya nange sar

Aye bibi apni zaba’n se kaho na yeh jumla

Main kaise maan lu’n mera Hussain (as) qatl hua

Mere Hussain (as) kay………………………

Kaha basheer ne ro kar yahi kholasa hai

Watan ko laut kar jo qafela yeh aaya hai

Na sheer khaar hai is main na ab Sakina (sa) hai

Aye bibi apni zaba’n se kaho na yeh jumla

Main kaise maan lu’n mera Hussain (as) qatl hua

Mere Hussain (as) kay………………………

Yaqee’n na aaye tumhe’n dekh lo zara ja kar

Khade hain ahle haram sub madine se bahar

Safed baal hai jiska hai shah ki khowahar

Aye bibi apni zaba’n se kaho na yeh jumla

Main kaise maan lu’n mera Hussain (as) qatl hua

Mere Hussain (as) kay………………………

Tadap kay us ghadi Ummul Baneen ne pucha

Mere Hussain (as) ka jab cut raha tha sookha gala

Bata basheer ki Abbas (as) tha kaha’n mera

Aye bibi apni zaba’n se kaho na yeh jumla

Main kaise maan lu’n mera Hussain (as) qatl hua

Mere Hussain (as) kay………………………

Qasam woh kha gaya tha Nabi kay rauze par

Na aane dunga museebat koi bhi aaqa par

Isi liye nahi aata yaqeen yeh sun kar

Aye bibi apni zaba’n se kaho na yeh jumla

Main kaise maan lu’n mera Hussain (as) qatl hua

Mere Hussain (as) kay………………………

Batau’n kaise main Abbas (as) run main qatl hua

Kanare nahr kay pahle to dono shana kata

Phir uske baad main Ghazi kay sar peh gurz laga

Aye bibi apni zaba’n se kaho na yeh jumla

Main kaise maan lu’n mera Hussain (as) qatl hua

Mere Hussain (as) kay………………………

Kaleja tham kay sun lo yeh dasta’n bibi

Gira zameen peh ghode se munh kay bal ghazi

Khabar yeh sunte he shah ki kamar bhi toot gai

Aye bibi apni zaba’n se kaho na yeh jumla

Main kaise maan lu’n mera Hussain (as) qatl hua

Mere Hussain (as) kay………………………

Yeh sun kay malne lagi apne hatho’n ko dukhiya

Kaha basheer se ZAHID yaqeen mujh ko hua

Hussain (as) qatl huway qaid hui aale eba

Na ab kahun’gi main apni zaba’n se yeh jumla

Main kaise maan lu’n mera Hussain (as) qatl hua

Mere Hussain (as) kay………………………

Poet: Janab ZAHID Mustafabad Jalalpur A.N

Nauha By Anjuman Jafaria Redg.Mustafabad Jalalpur A.N

…………Zeya Abbas Haideri…………

YouTube Search On Zeya Jalalpuri

                 India