Yeh kahti thi Zainab (sa) utho aye Sakina (sa) Mili hai rahayi chalo ab madina

                 (Nauha)

Yeh kahti thi Zainab (sa) utho aye Sakina (sa)

Mili hai rahayi chalo ab madina

Utho aye Sakina (sa)

Mili hai rahayi chalo ab madina

Yeh purhaul zinda’n kay tareek saye

Yaha’n khoon kay tu ne aansu bahaye

Khuda is jagah par kisi ko na laye

Kisi be watan ko na qaidi banaye

Dua teri ab aasra hai Sakina (sa)

Mila aaj hukm e rehayi Sakina (sa)

Yeh kahti thi Zainab (sa) utho aye Sakina (sa)

Mili hai rahayi chalo ab madina

Yeh chota sa sin aur woh zalim kay durre

Yeh nazuk gale par nisha’n rassiyo’n kay

Tamcho’n ki zarbo’n se rukhsar neele

Yeh kurta jo dooba hua hai lahu se

Utho qabr e Ahmed peh jayengay bibi

Unhi ko yeh halat dekhayengay bibi

Yeh kahti thi Zainab (sa) utho aye Sakina (sa)

Mili hai rahayi chalo ab madina

Suno pahle karbobala hum chalengay

Wahi’n par shaheedo’n ka matam karengay

Har ik qabr par fateha bhi padhengay

Tarayi peh Abbas (as) se bhi milengay

Khuda kay liye us ko kuch na batana

Lahu apne kano ka usse chupana

Yeh kahti thi Zainab (sa) utho aye Sakina (sa)

Mili hai rahayi chalo ab madina

Jo hum par Sakina (sa) masayeb hain toote

Woh sub dasta’n main chupaungi usse

Main shano peh bhi hath rakh lungi apne

Na dekhe kahin daagh woh rassiyo’n kay

Mera ba wafa chain payega kaise

Woh be hath hai munh chupayega kaise

Yeh kahti thi Zainab (sa) utho aye Sakina (sa)

Mili hai rahayi chalo ab madina

Milega wahi’n mera mazloom bhai

Main jis ki judai main mar bhi na payi

Use dasht e ghurbat mein main chod aayi

Mujhe qaid khane main taqdeer layi

Lage thay bahut teer uske badan par

Tadapta woh hoga abhi tak kafan main

Yeh kahti thi Zainab (sa) utho aye Sakina (sa)

Mili hai rahayi chalo ab madina

Achanak lahed se sada aayi ANWAR

Main majboor hun aye shah e dee’n ki khahar

Phuphi main ne manga tha jo hai sitam par

Wahi’n maut mujh ko huyi hai mayassar

Na chode ga ab mujh ko yeh qaid khana

Mera mustaqil hai yahi’n ab thikana

Yeh kahti thi Zainab (sa) utho aye Sakina (sa)

Mili hai rahayi chalo ab madina

Poet: Janab ANWAR Allahabad

…………Zeya Abbas Haideri…………

YouTube Search On Zeya Jalalpuri

                India