Zainab (sa) Yeh Dua Mango

(Nauha) Shabbeer (as) ne farmaya Zainab (sa) yeh dua mango Jab qatl Karen aada Zainab (sa) yeh dua mango Urya'n na rahe lasha Zainab (sa) yeh dua mango Main shukr karu'n Zainab (sa) ghar bar luta kar bhi Khaliq se rahu'n razi sar apna kata kar bhi Lab peh na rahe shikwa Zainab (sa) yeh dua mango Shabbeer (as) ne…………………………….. Jab hatho'n peh Asghar (as) ko le jau'n main maqtal main Aur khod kay turbat ko dafnau'n main maqtal main Mahfooz rahe lasha Zainab (sa) yeh dua mango Shabbeer (as) ne………………………………….. Aur lasho'n peh jab ghode daudaye'n laee'n run main Nanhe mera Asghar (as) ka us waqt kahi'n run main Pamaal na ho lasha Zainab (sa) yeh dua mango Shabbeer (as) ne……………………………………. Jab baad mere Zainab (sa) jalne lage'n yeh khaime Jalte huway khaimo'n se jab uthne lage'n shole Jal jaye na gahwara Zainab (sa) yeh dua mango Shabbeer (as) ne………………………………... Darya se alam le kar Abbas (as) chale hain jab Maula badi hasrat se kahte hain meri Zainab (sa) Mahfooz ho mashkeeza Zainab (sa) yeh dua mango Shabbeer (as) ne…………………………………….. Seene peh sina kha kay tadpe jo mera Akbar (as) Aur girte sambhalte main jab pahunchu'n janaz e par Aur shukr ka ho sajda Zainab (sa) yeh dua mango Shabbeer (as) ne…………………………………… Betay kay janaz e par dil apna sambhalu'n main Zakhm e Ali Akbar (as) main jab hath ko dalu'n main Aankho'n main na ho rasha Zainab (sa) yeh dua mango Shabbeer (as) ne………………………………….. Lash e Ali Akbar (as) par 2 zanu jo main baithu'n Aur betay kay seene se jab barchi ka phal khainchu'n Dekhe na kahi'n laila Zainab (sa) yeh dua mango Shabbeer (as) ne………………………………
Maula ki guzarish yeh saidaniya'n sun sun kar
Roti thi tadapti thi barpa tha ZAFAR mahshar
farmate thay jab maula Zainab (sa) yeh dua mango
Shabbeer (as) ne………………………………

Poet: Maulana Zafrul Hasan (ZAFAR) Sahab Mustafabad Jalalpur A.N
Nauha By Anjuman Jafaria Redg.Mustafabad Jalalpur A.N
https://www.youtube.com/watch?v=Jsgvb49VfGs

............Zeya Abbas (Haideri)............
YouTube Search On Zeya Jalalpuri
India