Zinda'n Se Chut Kay Zainab (sa) Karbobala Main Aayi

                         (Nauha)

Zinda’n se chut kay Zainab (sa) karbobala main aayi

Turbat peh shah e dee’n ki boli falak satayi

Jati hun ab madine – uth tho lahed se bhai

Zinda’n se chut kay……………………………..

Laye thay sath le kar ik rose tum watan se

Ab bolte nahi ho kya ho khafa bahen se

Ruthe ho kis khata par – yeh to batao bhai

Zinda’n se chut kay……………………………..

Sar ko kata kay soye choda bahen ko kis par

Abbas (as) hain na Akbar (as) Qasim (as) hain aur na Asghar (as)

Ab jee kay kya karegi – yeh Fatima (sa) ki jayi

Zinda’n se chut kay……………………………..

Baad aap kay shah e dee’n khaima jala hamara

Majboor bibiyo’n ko qaid e rasan main bandha

Sooji hui hai dekho – ab tak meri kalayi

Zinda’n se chut kay……………………………..

12 gale bandhe thay choti si ik rasan main

Be yaro be madad thay karbobala kay ban main

Hum bekaso’n ki koi – suntan na tha duhayi

Zinda’n se chut kay……………………………..

Tum bekafan thay main bhi balway main be rida thi

Pyase thay aap main bhi pyasi thi gham zada thi

Qaidi bani rasan main – bandhi gayi kalayi

Zinda’n se chut kay……………………………..

Abbas (as) sar peh hote chinti kabhi na chadar

Akbar (as) ki zindagi main phirti phuphi na dar dar

Qismat ne haye kar di – un se magar judayi

Zinda’n se chut kay……………………………..

Lashe peh zalimo’n ne rone diya na hum ko

Begor o bekafan thay choda zamee’n peh hum ko

Taqdeer se gila hai – kab tak bahen ko bhai

Zinda’n se chut kay……………………………..

Aada ki sakhtiyo’n se majboor gar na hoti

2 gaz kafan kahi’n se main ja kay mang lati

Urya’n na tera lasha – maqtal main rahta bhai

Zinda’n se chut kay……………………………..

Hatho’n se apne tujh ko khahar kafan penhati

Bachcho’n ko sath le kar mayyat ko bhi uthati

Qaid e sitam se lekin – bhaiyya na thi rehayi

Zinda’n se chut kay……………………………..

Sar nange zalimo’n ne hum ko aseer kar kay

Bazaro’n main phiraya ta sham karbala se

Ummat ko Mustafa ki – ghairat zara na aayi

Zinda’n se chut kay……………………………..

Aulad e Mustafa ka koi na tha yagana

Dushman thi sari duniya aisa phira zamana

Faryad kis se karti – Zainab (sa) falak satayi

Zinda’n se chut kay……………………………..

Padhte ho jis ka kalma un ki nawasiyo’n ko

Muhtaaj kar diya tha baad aap kay rida ko

Darbar e be haya main – main sar khule thi bhai

Zinda’n se chut kay……………………………..

Nauha by Anjuman Jafaria Redg.Mustafabad Nagpur Jalalpur Ambedkar Nagar UP India

…………Zeya Abbas Haideri…………

YouTube Search On Zeya Jalalpuri

                     India