Salam Maula Hasan (as) || Matam hai madine main shabbar (as) ki shahadat ka

 

                          (Salam)

Matam hai madine main shabbar (as) ki shahadat ka

Shabbeer (as) peh aaya hai kya waqt yeh ghurbat ka

 

Kahti thi yahi Zainab (sa) Shabbar (as) kay janaze par

Gham kaise sahe Zainab (sa) bhaiyya teri furqat ka

 

Tukde dil e Shabbar (as) kay dekhega zamana phir

Aashur kay daman main manzar hai qayamat ka

 

Taboot peh Shabbar (as) kay jab teer e sitam aaye

Abbas (as) peh tha kaisa yeh waqt museebat ka

 

Kamsin hai yeh shahzada baitha hua sakte main

Qasim (as) ko bhi pursa do Shabbar (as) ki shahadat ka

 

Shabbar (as) ki shahadat hai Shabbeer (as) kay parwano

Shabbeer (as) ko pursa do Shabbar (as) ki shahadat ka

 

Pakne lagi shaq ho kar us waqt zamee’n paiham

Kya ho ga asar soncho us zaher ki shiddat ka

 

Woh zaher e sitam pahuncha Shabbar (as) kay kaleje tak

Sar peeto azadaro manzar hai qayamat ka

 

Shabbeer (as) ka sadqa ho ab hum ko ata Shabbar (as)

Hum wasta dete hain Qasim ki museebat ka

 

Hai khidmat e Shabbar (as) main marooza Rasheed itna

Hum sub ko sharaf de de rauze ki zeyarat ka

 

Poet: Janab Rasheed Sahab

 

………...Zeya Abbas (Haideri)…………

YouTube Search On Zeya Jalalpuri

                   India