Salam Imam Moosa Kazim (as) || Kohe Gham Kazim (as) Peh You'n Toda Gaya Zindan Main
(Salam)
Thak Gayi Khud Zulm Ki Har Inteha Zindan Main
Moosaye Kazim (as) Peh Har Lamha Hui Taza Jafa
Khoon Kay Aansu Na Kyon Kar Roye'n Sabhi Ahle Aza
Royi Sar Ko Peet Kar Jab Karbala Zindan Main
Haye Ghurbat Iska Andaza Laga Sakta Hai Kaun
Kis Kay Dil Main Itni Taqat Hai Bata Sakta Hai Kaun
Kis Tarah Tadpi Hai Rooh e Fatima (sa) Zindan Main
Zulm Sahte Sahte Is Duniya Se Rehlat Ho Gayi
Qaid Main Jis Waqt Baba Ki Shahadat Ho Gayi
Aaye Sar Ko Peet Te Maula Raza (as) Zindan Main
Jis Ki Mayyat Chand Mazdooro'n Kay Kandho'n Par Uthe
Bediyo Zanjeer Lipte Jism Se Rote Rahe
Be Basi Ka Us Ki Hai Matam Bapa Zindan Main
Mere Maula Ka Koi Apna Nahi Wa Ghurbata
Hai Janaza Aap Ka Sunsaan Raste Par Pada
Rah Gaya Aaho'n Ka Lekin Qafela Zindan Main
Jab Kamar Seedhi Na Ho Pati Thi Ik Nashad Ki
Yaad Aati Thi Museebat Sayyad e Sajjad (as) Ki
Isliye 14 (Chauda) Baras Girya Kiya Zindan Main
Ilteja Karte Hain Tujh Se Aye Mere Rabbul Waheed
Matmi Dasta Duaye Fatima Zahra (sa) Saeed
Jaye Padhne Nauha e Moosa Raza (as) Zindan Main
Poet: Saeed Karbalai (Jalalpur)
............Zeya Abbas (Haideri)............
YouTube Search On Zeya Jalalpuri
India
Comments
Post a Comment