Nauha Hazrat Qasim (as)

(نوحہ حضرت قاسم علیہ السلام)

مقتل سے کسی گٹھری میں لائے شہ والا

 قاسم کا جنازہ قاسم کا جنازہ

بھائی کی نشانی ہوئی رن میں تہہ و بالا 

قاسم کا جنازہ قاسم کا جنازہ

فرویٰ نے کِیا درد سے سر پیٹ کے گِریہ _ ہائے مِرا بچّہ

تھا راج دلارا یہ مِرا نازوں کا پالا 

قاسم کا جنازہ قاسم کا جنازہ

اک رات کی دلہن جونہی دیتی ہے دُہائی _ روتی ہے خدائی

مارا گیا کس ظلم سے اک رات کا دولہا

قاسم کا جنازہ قاسم کا جنازہ

قاسم گِرے گھوڑے سے تو شہ کو یہ صدا دی _ ادرکنی چچا جی

پامال بدن کو شہ والا نے سنبھالا

قاسم کا جنازہ قاسم کا جنازہ

ہر لاش کو میداں سے اٹھا لائے ہیں شبّیر _ پر ہائے یہ تقدیر

وہ حال ہوا ہے کہ اٹھایا نہیں جاتا

قاسم کا جنازہ قاسم کا جنازہ

ماں کہتی ہے قاسم کو میں کیا دولہا بناتی _ پھٹتی ہے یہ چھاتی

شبّیر کے اکبر پہ کِیا میں نے یہ صدقہ

 قاسم کا جنازہ قاسم کا جنازہ

ایسے بھی کوئی مرتا ہے تیرا ہی برس میں _ مرجاؤں گی بس میں 

غش آگیا چلّاکے پکاری جو یہ کبریٰ 

قاسم کا جنازہ قاسم کا جنازہ

ہر جا پہ نظر آتا تھا بس خون کا منظر _ روتی رہی مادر

ماں رہ گئی ہئے ڈھونڈتی وہ چاند سا چہرہ

قاسم کا جنازہ قاسم کا جنازہ

پامال بدن قبر میں کیسے تھا اتارا _ دل ہل گیا سارا

روتے رہے سجّاد کسی نے جو یہ پوچھا 

قاسم کا جنازہ قاسم کا جنازہ

بھُولے گا نہ اِس درد کے الفاظ کو عالَم _ برپا ہے وہ ماتم

مجلس میں عجب آیا ہے عشرت کا یہ نوحہ

 قاسم کا جنازہ قاسم کا جنازہ

Poet: Janab Ishrat Hassan Bilgerami 

۔۔۔۔۔۔۔۔۔۔۔۔Zeya Abbas Haideri ۔۔۔۔۔۔۔۔۔۔۔۔

Youtube Search On Zeya Jalalpuri

                      India