Akbar Akbar Aye Mere Akbar | Noha Hazrat Al Akbar (as)

Noha 

Kahti thi mather aye mere dilbar 

Tere bina hai jeena dubhar 

Kab aao gay run se palat kar 

Akbar (as) Akbar (as) 

Aye mere Akbar (as) 

Nazo’n kay pale, gesoun wale 

Aankh kay tare, dil kay ujale 

Maa ko bhi apne pass bula le 

Teri judai shaq hai mujh par 

Akbar (as) Akbar (as) Aye mere Akabr (as) 

Pyas bujhi ya tashna daha’n hai 

Sunti hu’n run main khayi sina hai 

Aa kay dekha do zakhm kahan hai 

Batla do hai dard kahan par 

Akbar (as) Akbar (as) Aye Mere Akbar (as) 

Tera khushi se beyah rachati 

Armano kay phool sajati 

Chand si ghar main dulhan lati 

Rah gaye arma’n khak main mil kar 

Akbar (as) Akbar (as) Aye Mere Akbar (as) 

Khoon hai sasta mahenga pani 

Lut gayi ran main teri jawani 

Kis ko sunaun gham ki kahani 

Yousuf e sani aye mere dilbar 

Akbar (as) Akbar (as) Aye Mere Akbar (as) 

Qasim (as) bhi Akbar (as) bhi nahi hain 

Zainab(sa) kay dilbar bhi nahi hain 

Khaime main sarwar bhi nahi hain 

Qatl huway Abbas (as) dilawar 

Akbar (as) Akbar (as) Aye Mere Akbar (as) 

Zakhm mile hain khaime jale hain 

Aik rasan main 12 gale hain 

Sham ki janib le kay chale hain 

Gherr huway hain hum ko sitamgar 

Akbar (as) Akbar (as) Aye Mere Akbar (as) 

Tere bina dushwar hai jeena 

Kaan hain zakhmi chaak hai seena 

Yaad main hai be chain Sakina (sa) 

Mar jaye gi yeh bhi tadap kar 

Akbar (as) Akbar (as) Aye Mere Akbar (as) 

Gham ki kahani yaad rahegi 

Maa yeh zafar na shad rahegi 

Lab peh yahi faryad rahegi 

Aa jao ik baar palat kar 

Akbar (as) Akbar (as) Aye Mere Akbar (as) 

Shayer Ahlebat: Janab Zafrul Hasan Zafar Sahab Mustafabad Nagpur Jalalpur Muqeem Gujrat India 

From Blogger iPhone client