Salam Imam Ali (as) ll Tadap kay rah gaya maula hamara aaj masjid main

                             (Salam)

Tadap kay rah gaya maula hamara aaj masjid main

Ali (as) ka khoo’n main dooba hai amama aaj masjid main

Lagayi zarb kaisi ibn e muljim tu ne Haider (as) par

Mosalle par tadap uththe hain maula aaj masjid main

Sar e aqdas peh kaisa waar tu ne kar diya zalim

Ali (as) ka ho gaya sar para para aaj masjid main

Lahed bint e payamber ki laraz uththi madine main

Kiya zalim ne maula par jo hamla aaj masjid main

Qayamat ho gayi barpa yeh kufe ki fizao’n main

Utha Hasnain (as) kay sar se hai saya aaj masjid main

Yateemo’n aur ghareebo’n ka sahara ab nahi koi

Ali (as) ka khoo’n main dooba sarapa aaj masjid main

Zaher aalood thi kitni bata talwar yeh muljim

Ali (as) jaisa bahadur bhi na sambhla aaj masjid main

Jabee’n par khaak malte malte yeh kahne lage maula

Lahoo main dooba hai yarab mosalla aaj masjid main

Sada Jibreel (as) ki goonji hai kufe ki yeh galiyo’n main

Mere aaqa ko hai zalim ne mara aaj masjid main

Utha saya hamare sar Paikar aaj maula ka

Bin e muljim ne hai Haider (as) ko mara aaj masjid main

 

Poet: Paikar Jalalpuri  

............Zeya Abbas Haideri............

YouTube Search On Zeya Jalalpuri 

                  India